ARNO përkujtoi ditët e Erasmus+

Më 13 tetor, ekipi ARNO së bashku me nxënësit dhe mësuesen Marina Peshovska nga shkolla e mesme “Rade Jovçevski Korçagin” shënuan ditët e Erasmus+ duke organizuar një punëtori për Design thinking. Ditët Erasmus mbahen nga data 13 deri në 15 tetor në të gjithë Evropën dhe bazohen në një koncept shumë të thjeshtë: brenda këtyre tre ditëve promovohen vlerat evropiane, përfitimet e udhëtimit E+ dhe sukseset e projekteve E+.
Në kuadër të workshop-it me të cilin ARNO festoi edicionin e 6-të të ditëve E+, nxënësit luajtën sfidën e spagetit. Qëllimi i kësaj sfide është që pjesëmarrësit të krijojnë kullën më të lartë me materialet e dhëna (20 shkopinj spageti, një marshmallow, 1 m fije dhe shirit ngjitës) duke punuar në ekip dhe me kohë të kufizuar.

Ngazëllimi dhe shpirti konkurrues ishin të pranishëm mes të gjitha skuadrave, të cilat dukshëm kënaqeshin duke kuptuar se si të krijonin një kullë me spageti, duke punuar nën presionin intensiv të kohës. Kishte mendime dhe krijime të mrekullueshme, por në fund vetëm një ekip mori fitoren dhe kishte kullën më të lartë. Për ekipin fitues pasoi një çmim simbolik (një kuti ëmbëlsirash), të cilin ekipi vendosi ta ndajë me shokët e tjerë të klasës në shenjë solidariteti.
Ky ushtrim është pjesë e “Manualit për Sipërmarrjen Sociale” që ARNO zhvilloi në kuadër të projektit INN@SE, financuar nëpërmjet programit Erasmus +. Kjo sfidë luhet në mbarë botën dhe është një aktivitet i shkëlqyer për ndërtimin e ekipit dhe hyrje në bazat e të menduarit të dizajnit.

Krahas sfidës, ekipi i ARNO prezantoi disa nga projektet aktuale, shpërndau kartat e mbjelljes nga projekti “Ndërmarrjet sociale për zhvillim ekonomik dhe inkluzion social” dhe njoftoi se thirrja për udhëtimin e ri RISE do të publikohet së shpejti për të gjithë ata të cilët kanë një ekip dhe një ide për sipërmarrje sociale rinore.