.svg){kind=small}
.svg){kind=small}
Вклучи се!
Зелени идеи
Имаш идеја за бизнис модел во кој во центарот се поставени еколошки и социјални цели? Идеја што ќе помогне светот да стане подобро место? Не го пропуштај крајниот рок од следното издание на натпреварот за зелени идеи- дознај повеќе за програмата и започни со подготовки на време.
Регионален инкубатор за социјални претприемачи
Проектот RISE верува дека младите од Западен Балкан се талентирани и полни со иновативни идеи- желни да ги остварат. Токму затоа и сакаме да ги поддржиме младите и нивните социјални претпријатија кои ќе направат регионот подобро место. RISE се фокусира на соработка, размена на идеи и врсничко учење.
S.T.R.E.T – Пакет алатки за професори
Се радуваме на можноста да им обезбедиме на професорите алатки за предавање на темите „Социјално претприемништво“ и „Филантропија“-алатки кои се едукативни и забавни. Кликнете подолу за да истражите нови методологии и содржини за вашиот предмет, или поврзете се со нас за не’ поддржите.
Ние сме
AРНОАРНО значи ‘добро’. Овој збор нѐ води во сѐ што правиме. Тој е причината зошто правиме добро, зошто сакаме да го видиме доброто во другите и зошто сакаме да бидеме доброто во нашето општество.
Ние знаеме дека разликата помеѓу „добро“ и „подобро“ е волјата. Затоа нашиот тим е создаден од бистри и креативни умови со филантропски срца и големo искуство во различни индустрии. Тим кој кажува ‘не’ на обичното и „да“ на предизвиците. Ние сме страстни за нашите заедници и цели, но исто така имаме и знаење, мрежи и флексибилност, кои се клучни во поддржувањето на нашата страст. Ние веруваме дека ништо не е невозможно, треба само да се најде правилното решение. Тим кој има голема волја да работи за нашите заедници и цели, но исто така има и знаење и флексибилност, кои се клучни во поддржувањето на нашата волја.
Ние веруваме дека ништо не е невозможно, треба само да се најде правилното решение.
Ние во АРНО веруваме дека делата треба да зборуваат сами за себе. Затоа нашите иницијативи како: годишниот натпревар за зелени идеи, продажба на часови за готвење, соработка со професори и наставници по претприемништво, менторство за социјални бизниси, инкубација на идеи за социјални претпријатија, работилници за вклучување на мажите во борбата за родова еднаквост, и многу, многу други се одлични примери за ова. Овие проекти и социјални интервенции ја истакнуваат нашата посветеност, подготвеност и способност да иновираме и да одговориме на социјалните предизвици.
Нашата работа е фокусирана
на 4 програмски области,
4 столбови за посветла иднина.
За вас, за нас, за сите.
преку поддршка, вклучување и поттикнувањето на младите луѓе преку нашата
младинска програма
затоа што знаеме дека иднината е во нивни раце! Ние ја препознаваме нивната страст, креативност и капацитет да ги донесат промените кои се неопходни во светот во кој живееме. Преку работата со младите, ние ги охрабруваме да работат сложно за да придонесат кон социјални иновации и промени, и да учествуваат целосно во развојот на нивните заедници. Само преку усогласувањето со другите процеси и чинители и засегнати страни, може да обезбедиме соработка на сите нивоа за поддршка на младите.
почитувајќи го балансот помеѓу природата и потребите на општеството, со нашата
програма за одржлив развој
затоа што знаеме дека економскиот развој треба да биде компатибилен со одржливоста на животната средина и социјалната правда. Светот постојано се менува, и наша цел е да направиме баланс помеѓу искористувањето на ресурсите, институционалните промени и насоката на инвестициите, за да може да ги задоволиме потребите на нашите заедници, денес и во иднината.
преку наоѓањето на иновативни начини со кои ќе влијаеме на светот во кој живееме, со нашата
програма за социјални иновации
Како здружение за социјални иновации, во нашата срж е да наоѓаме нови опции, пристапи и решенија за сите предизвици, за да може денес да придонесеме за подобро утре. Го цениме секој ден и секоја личност која придонесува кон подобрување на квалитетот на секојдневниот живот, затоа што сакаме да создадеме живот кој е вреден за славење! Затоа, ајде да поттикнуваме луѓе, ајде да најдеме нови начини, ајде да создаваме синергии, ајде да се трудиме повеќе, ајде да бидеме проактивни, ајде да бидеме арнотворци! Ајде да застанеме позади работите кои се најважни и да уживаме во нив!
преку креирање на можности за делување кои водат до живот исполнет со љубов и почитување, благодарение на нашата
програма за филантропија!
Филантропија значи донирање на искуство, финансиски ресурси и вештини со цел да се создаде подобро утре. Тоа е значајна движечка сила која ги подобрува заедниците во кои живееме, охрабрувајќи нѐ сите нас да разговараме за човекољубие и да станеме примери на филантропско однесување.
Ние сме AРНО,
ние правиме добро!
Добри вести
Скопјани добија ѓеврек со нов вкус- избран победничкиот рецепт од натпреварот „Смисли го кругот“
На 26-ти декември, во средното угостителско училиште „Лазар Танев“ во Скопје се одржа финалето од натпреварот за ѓеврек со нов вкус „Смисли го кругот“. Жири… […]
10 години добри дела-АРНО прослави декада на постоење и регионална награда
АРНО, здружение за социјални иновации основано во Македонија во 2013 година, со гордост ја прослави својата 10-годишнина. (Фото галерија овде) Во текот на изминатата деценија,… […]
Натпревар за нов рецепт за ѓеврек „Смисли го кругот“
Дали сте обожавател на печива со скопска адреса? Дали имате идеја како старото, добро печиво со кружен облик – неговото височество „Ѓеврек“, да го направиме… […]
Започна четвртото RISE патешествие!
На 4-ти ноември во Јавна Соба, АРНО ја одржа првата средба со овогодинешните RISE тимови. Од 31 апликација, стручното жири како дел од програмата избра… […]