(Zgjatet afati i thirrjes) RISE Journey 4: Thirrje për të rinjtë me ide sociale

Organizata për Inovacion Social “ARNO”, si inkubator lokal në projektin Inkubator Rajonal për Sipërmarrësit Socialë (RISE), hap Thirrjen për të rinjtë (16-35 vjeç) me ide novatore për biznese sociale dhe të gjelbra, për zgjidhjen e sfidave sociale dhe mjedisore. Thirrja për aplikime për edicionin e katërt të programit RISE zgjatet deri më datë 12.10.2023, ora 23:59. 

Jeni një individ i ri nga mosha 16 deri në 35 vjeç? A keni një ekip me një ide për një biznes të përgjegjshëm social dhe mjedisor? A jeni i apasionuar për të bërë një ndryshim pozitiv në komunitetin tuaj lokal?

Nëse përgjigjja është po, programi RISE është për ju!

RISE është një program i krijuar për të fuqizuar dhe mbështetur individët e rinj në Ballkanin Perëndimor, duke u ofruar atyre mjetet dhe burimet e nevojshme për të transformuar idetë e tyre novatore në ndërmarrje të qëndrueshme sociale. 

RISE do ju japë mundësi të:

• fitoni njohuri nga organizata të nivelit të lartë, mentorë dhe ekspertë në fusha të ndryshme, mbi tema dhe metodologji të rëndësishme dhe trendi (brendi, tregimi, buxhetimi i gjelbër, aftësitë ndërkulturore për sipërmarrësit, të menduarit e dizajnit, marrëdhëniet me publikun, pitching, etj., )
• fitoni një grant për zhvillimin e mëtejshëm të idesë tuaj në shumën 2500 euro, pa detyrimin për themelimin e një personi të ri juridik (edhe pse një hap i tillë inkurajohet fuqishëm)
• përjetoni lëvizshmëri rajonale emocionuese dhe të vizitoni ndërmarrje të tjera sociale, institucione ose biznese në Ballkanin Perëndimor , me qëllim për tu  motivuari dhe frymëzuari nga historitë e tyre
• përvetësoni aftësi moderne dhe praktike dhe të fitoni mundësi të vlefshme për zhvillim personal dhe profesional si i ri
• bëheni pjesë e rrjetit më të madh  alumni të sipërmarrësve të rinj socialë në Ballkanin Perëndimor dhe krijoni lidhje dhe shkëmbeni përvoja me kolegët RISE
• familjarizoheni me aktorët kryesorë brenda peizazhit të ekonomisë sociale në Ballkanin Perëndimor dhe mësoni më shumë rreth modeleve të reja të biznesit të përgjegjshëm dhe etikë për sfidat e shekullit të 21-të

Për të aplikuar, duhet të plotësoni formularin e aplikimit në anglisht deri më 12 tetor 2023, ora 23:59. Formulari është në dispozicion KËTU.

Përpara dorëzimit të aplikimit tuaj, ju kërkojmë të shqyrtoni me kujdes dokumentet e mëposhtme:

• Thirrja e plotë për aplikime, ofron informacion të thelluar në lidhje me kriteret dhe procesin e aplikimit. Thirrja mund të aksesohet në LINKUN e mëposhtëm.
• Dokumenti Pyetjet e bëra më shpesh. Nëse keni nevojë për sqarime të mëtejshme, mos ngurroni të na kontaktoni në: marjan@arno.org.mk.

!Për më shumë informacion ju ftojmë të ndiqni sesionin informativ online që u mbajt më datë 21 shtator (e enjte)

Programi RISE beson në talentin dhe inovacionin e të rinjve të Ballkanit Perëndimor dhe i mbështet ata të lulëzojnë dhe të udhëheqin ndryshimin në komunitetet e tyre lokale. RISE nuk është thjesht një program tjetër për sipërmarrësit socialë, por, një përvojë që ndryshon jetën për shumë të rinj në rajon. Në tre edicionet e para të programit, RISE ka mbështetur 365 sipërmarrës të rinj socialë dhe 130 ide për sipërmarrje sociale, shumë prej tyre, duke u rritur në biznese sociale që funksionojnë. RISE-t tanë ndryshojnë jetën dhe komunitetet, ushqejnë vlerat e solidaritetit dhe ndihmojnë qytetarët në nevojë. Ne jemi të kënaqur të dëshmojmë rritjen dhe ndikimin e sipërmarrësve tanë socialë dhe të qëndrojmë të përkushtuar ndaj misionit tonë për të krijuar sipërmarrës të rinj socialë dhe për të forcuar komunitetin tonë RISE.

*Gjuha e punës e programit është maqedonishtja, me përdorim të shpeshtë të terminologjisë dhe literaturës ndërkombëtare në gjuhën angleze, ndërsa aktivitetet dhe komunikimi rajonal realizohen tërësisht në gjuhën angleze.

Na ndiqni në rrjetet sociale për informacionet më të fundit (Facebook, Instagram, LinkedIn).

Ky projekt është bashkëfinancuar nga Agjencia Franceze e Zhvillimit (AFD), Zyra Rajonale për Bashkëpunim Rinor (RYCO) dhe Programi Erasmus + i Bashkimit Europian. Projekti RISE udhëhiqet nga një konsorcium i përbërë nga Zyra Rajonale për Bashkëpunim Rinor (RYCO), GROUPE SOS Pulse, Rrjeti Rinor i Europës Juglindore (SEEYN) dhe Zyra Rinore Franko-Gjermane (OFAJ), dhe zbatohet nga gjashtë inkubatorë lokalë: ARNO ( Maqedonia e Veriut), Balkan Green Foundation (Kosovë), Nesto vise (Bosnje dhe Hercegovinë), Smart Kolektiv (Serbi), IEC Tehnopolis (Mali i Zi) dhe Yunus Social Business (Shqipëri).