Часови за готвење Slow Food – социјално претприемништво на менито

„Часови за готвење Slow Food – е проект кој е координиран од АРНO, во соработка со Здружението за превенција, промоција и едукација за  храна „ Slow Food – Водно“ и во партнерство со СУГС „Лазар Танев“. Менито понуди нова серија на „Часови за готвење“ полна со традиционални домашни вкусови: „Сирење на трпезата“ (готвач Маре Јаневска), „Тркалото на сезоните“, „Месеници од тефтерот на баба“ (готвач Маре Јаневска), “ „Протеински растенија “ (готвач Зоран Мајновски) и„ Риби од нашите води “ (готвач Дејан Карапеев).

Целта на оваа иницијатива е да се зајакне одржливоста на граѓанските организации преку подигнување на јавната свест и свесноста на приватниот сектор за социјалното претприемништво, и подобрување на локалната економија. Проектот поддржува иновативен концепт на социјално претприемништво и промовира квалитетно стручно образование, локална храна и производители на локална храна.

Иницијатива беше спроведена во рамките на „Програмата Кулинари“. Профитот од продажбата на ваучерите се реинвестира во учениците од СУГС „Лазар Танев“ преку прилагодена програма за развој на нивните меки  вештини, што го олеснува нивниот пристап кон пазарот на труд.

Овој проект е финансиран од програмата за грантови од проектот “Промени за одржливост” подржано од Европската Унија имплементиран од Конект во партнерство со фондацијата Аполонија и Центарот за даночна политика.

Од проектот издвојуваме:  На барање на Американскиот совет за меѓународно образование, беше организиран тим-билдинг час за готвење за 12  ученици од САД. Овие ученици научија како да подготват традиционална пастрмајлија и модерна пица под водство на нашиот готвач и активист Антонио Ѓорѓиевски.