YouCanBe: Trajnim në Rumani, për sipërmarrësit socialë dhe të gjelbër

Nga data 19-25 maj, në Bukuresht, Rumani, partnerët tanë të projektit “Scoala De Valori” , organizuan një trajnim pesë-ditor si pjesë e projektit “YouCanBe”. Ky trajnim mblodhi së bashku sipërmarrës të rinj nga e gjithë Europa, për të testuar dhe përmirësuar mjetet e krijuara për sipërmarrësit aspirues socialë dhe të gjelbër, teksa ata zhvillonin dhe avanconin idetë e tyre sipërmarrëse.

Sipërmarrës të rinj nga Franca, Lituania, Rumania dhe Kroacia,  morën pjesë së bashku me anëtarët e komunitetit ARNO të sipërmarrësve socialë dhe të gjelbër, duke përfshirë Angelina nga BioHide (RISE Journey 4), Ilija, një bankier i ri, Riste, studiues dhe bashkëpunëtor i përkushtuar i ARNO-s dhe Nikolla, një krijues dhe entuziast marketingu. Duke u bazuar në reagimet nga sesioni i mëparshëm i mbajtur në Vilnius në mars, ky trajnim siguroi përmirësim të vazhdueshëm dhe të rëndësishëm. Pjesëmarrësit u angazhuan në seminare dhe diskutime dinamike, duke zgjeruar aftësitë e tyre sipërmarrëse.

Për të frymëzuar dhe motivuar më tej pjesëmarrësit, programi përfshinte vizita në dy ndërmarrje sociale inovative në Rumani: Atelierul de panza,  e njohur për prodhimin e çantave të ripërdorshme me pambuk 100% të patrajtuar, të pangjyrosur dhe produkte të tjera nga materiale tekstili të para-prodhimit, dhe Ateliere fara frontiere,  që udhëhiqet  nga motoja “Ne besojmë te njerëzit”, e cila punëson individë që përballen me pengesa në punësim dhe i përfshin ata në punëtori si Educlick për riciklimin e pajisjeve elektrike dhe elektronike dhe Remesh për transformimin e banderolave ​​dhe rrjeteve reklamuese në produkte moderne, etike dhe të qëndrueshme.

Teksa  projekti “YouCanBe” i afrohet përfundimit të tij, disa ngjarje europiane janë në horizont. Qëndroni të sintonizuar për përditësime dhe mundësi të mëtejshme për t’u angazhuar me këtë nismë transformuese.

Projekti “You can be”,  zbatohet nga Fondacioni Apprentis d’Auteuil-France (Koordinator), Vilniaus Kolegija-Lituani, Asociatiа Scoala De Valori-Rumani, Zaklada Znanje na djelu-Kroaci dhe Organizata për Inovacion Social “ARNO” – Maqedonia e Veriut . Projekti financohet nga Programi Erasmus + i Bashkimit Europian.