Pjesëmarrje në eventin në Mal të Zi – Rruga drejt Ekonomisë me Ndikim

Më 10 dhjetor 2025, në Podgoricë, Mal i Zi, u organizua ngjarja “Rruga drejt Ekonomisë me Ndikim në Mal të Zi” (Pathfinding Event on Impact Economy in Montenegro) nga ADP-ZID. Kjo ishte një ngjarje rajonale brenda projektit “Investim për ndryshim” (I4C). Ngjarja mblodhi përfaqësues nga sektori civil, institucionet publike, sektori financiar dhe rrjetet europiane nga Ballkani Perëndimor, me qëllim forcimin e ekosistemit të investimeve me ndikim dhe mbështetjen e tranzicionit nga ekonomia sociale dhe e gjelbër drejt një ekonomie me ndikim.

Hapja e ngjarjes përcolli një mesazh të fortë bashkëpunimi. Sanda Rakoçevi/ nga ADP-ZID u kujtoi pjesëmarrësve se I4C është një projekt për të mësuar dhe praktikuar mënyrën e menaxhimit të ndikimit. Ky qëndrim u konfirmua nga përfaqësuesit e qeverisë dhe të BE-së, Biljana Vuçeti/ dhe Valentina Di Sebastiano, të cilat shtuan nevojën për monitorim dhe vlerësim të performancës përmes mjeteve digjitale. Andreja Rosandi/ nga Impact Europe identifikoi sfidat dhe shpjegoi se qëllimi kryesor i projektit është forcimi i kapaciteteve të partnerëve për të formuar fondet e tyre të ndikimit.

Partnerët e projektit prezantuan strategjitë e tyre për forcimin e ekosistemit:

Smart Kolektiv (Serbi): Neven Marinovi/ njoftoi zhvillimin e instrumenteve të reja financiare dhe fokusimin në mbështetje sistemike dhe ndërtim kapacitetesh.

Partners Albania (Shqipëri): Ata e shohin të ardhmen në ofrimin e kredive dhe huave për zhvillim.

ARNO (Maqedonia e Veriut): Njoftoi sfidën e krijimit të një e-katalogu për ndërmarrjet e gjelbra dhe sociale përmes projektit “Y-COMPASS” brenda programit BOOST, i koordinuar nga ALDA dhe i financuar nga Agence Française de Développement. Si hap i dytë, theksuan domosdoshmërinë e përfshirjes së diasporës maqedonase.

Gjatë diskutimeve në panel mbi mjetet financiare dhe politikat, u theksua qasja “të mësuarit duke bërë” (dhe të mësuarit nga gabimet). Martijn Blom nga Impact Europe deklaroi se “Një fond ndikimi është njësoj sikur të bësh petulla; e para ose disa nga të parat nuk janë kurrë më të mirat”, ndërsa Silke Horakova nga Tilia Impact Ventures, një pioniere e investimeve me ndikim, inkurajoi duke thënë se rruga e gjatë dhe e paparashikueshme sjell shumë përfitime.

Në ngjarjen në Podgoricë, në emër të ARNO-s, morën pjesë Irina Janevska dhe Andrijana Tasevska .

“Si anëtare e re e ekipit të ARNO-s, pata mundësinë të takoja për herë të parë personalisht të gjithë partnerët. Ky takim rajonal është i rëndësishëm sepse po flasim për themelet e investimeve me ndikim në Ballkanin Perëndimor. Të gjithë po investojmë veten në tranzicionin nga ekonomia tradicionale drejt ekonomisë sociale dhe të gjelbër- një ekonomi me shpirt, një ekonomi sociale, një ekonomi besimi, e përgjegjshme, e dobishme dhe solidare- ose, në mungesë të një përkthimi të përshtatshëm dhe përgjithësisht të pranuar në maqedonisht, një ekonomi ndikimi. Na pret një rrugë e gjatë, por nuk ecim vetëm, jemi gjashtë partnerë në projekt dhe kemi udhërrëfyes të shkëlqyer – kolegët tanë nga Impact Europe”, tha Andrijana.

Ngjarja u realizua në kuadër të projektit Invest for Change (2025-2030), një iniciativë pioniere e financuar nga Bashkimi Europian, që synon zhvillimin e një mjedisi më të favorshëm për sipërmarrjen

sociale në Ballkanin Perëndimor. Projekti koordinohet nga Impact Europe dhe zbatohet në partneritet me ARNO (Maqedonia e Veriut), Partners Albania (Shqipëri), Smart Kolektiv (Serbi), Foundation 787 (Bosnje dhe Hercegovinë), ADP Zid (Mal i Zi) dhe Innovation Centre Kosovo (Kosovë).

Gëzuar festat dhe përshëndetje nga ARNO.