ПРИЈАВИ СЕ за тридневна DESIGN THINKING ОБУКА – Скопје, 5-7 јуни 2022

АРНО, како национален инкубатор во рамките на проектот RISE (Regional Incubator for Social Enterprises), објавува повик за млади луѓе (18-35 години) за учество на Design Thinking Обука за развој на идеи за социјални претпријатија. Обуката ќе се одржи во Скопје од 5.06.2022 (нед) – 07.06.2022 (вто).

Обуката е наменета за сите кои се подготвени за нови креативни, out of the box thinking предизвици и новитети во социјалното претприемништво, и се заинтересирани за запознавање со основите на Design Thinking методологијата преку искуствено учење и примена на конкретни методи, техники и вежби. Во рамки на обуката ќе се организира и иноватон= хакатон кој ќе користи design thinking методологии и ќе има за цел да генерира идеи за социјални претпријатија. На Иноватонот ќе присуствуваат и надворешни соработници од различни сектори/институции.

Сите трошоци, сместување и храна се целосно покриени од страна на АРНО во склоп на проектот RISE.

Што е Design Thinking?

Design Thinking е пристап користен од страна на креативците низ цел свет, преку кој се решаваат комплексни задачи за да се стигне до иновативно решение преку оживувања на имагинацијата. Design Thinking помага практично секој да се прилагоди на неизвесните услови, и да се стави “во чевлите” на другите  за појасно да ги разбере и сочувствува нивните предизвици, и понуди најквалитетни и најефикасни решенија за проблемите во локалната заедница.

Како се аплицира?
Пријавувањето е отворено до 22 мај, до 23.59. Линкот за аплицирање може да го најдете на: https://forms.gle/UG3fsxxMe2amp95W6

Избраните учесници ќе бидат известени на 23 мај, најдоцна до 16.00 часот.

Кој може да аплицира?
Сите млади на возраст од 18-35 години, кои имаат или немаат искуство со design thinking, се младински работници/обучувачи, претставници од институции (оштини, агенции), вработени во приватен сектор, самовработени, но, секако и невработени и  мотивирани млади кои сакаат да најдат решение за локалните проблеми преку развивање идеи за социјални претпријатија.

Која е целта на обуката?
Оваа обука има за цел да им понуди нов и иновативен пристап на младите за решавање на проблемите во нивните заедници и да инспирира нова генерација на млади социјални претприемачи/ки кои преку социјалното претприемништво ќе создадат подобрo и поинклузивно општество. Со учеството на оваа обука, младите добиваат и можност да станат дел од алумни заедницата на АРНО, која секојдневно расте и созрева и нуди дополнителни можности за едукација, развој, врмежување и соработка во регионот и Европа.

АРНО е национален инкубатор кој во рамки на проектот RISE (Regional Incubator for Social Enterprises) спроведува програма која им овозможува на младите луѓе да развијат идеи за социјални претпријатија и да научат нови алатки. Младите претприемачи имаат можност да учат, растат и развиваат свои бизнис идеи преку работилници, програми за мобилност и финансиска поддршка, во исто време помагајќи им на локалните заедници да ги решаваат проблемите. RISE има за цел да го збогати екосистемот на социјално претприемништво на Западен Балкан и да им овозможи на младите луѓе да развијат иновативни општествени решенија, со што ќе придонесат за помирување и соработка во регионот.

Проектот RISE е предводен од конзорциум составен од Регионалната канцеларија за младинска соработка (РИКО), ГРУПА СОС Пулс, Мрежа за млади на Југоисточна Европа (SEEYN), Францускиот институт и Француско-германската канцеларија за млади (ОФАЈ), а имплементиран од шест локални инкубатори – АРНО, Balkan Green Foundation, Nesto vise, Smart Kolektiv, IEC Tehnopolis и Yunus Social Business.Проектот RISE е кофинансиран од Француската агенција заразвој (АФД) и Регионалната канцеларија за младинска соработка (РИКО). Повеќе информации може да најдете на: https://www.risewb.org/