Конференција за животни вештини и средба на StartNet Europe во Брисел

На 22 и 23 март, Брисел беше домаќин на два настани фокусирани на стимулирање на кариерното усовршување, животните вештини и професионалниот развој на младите луѓе низ Европа. Првиот настан, насловен „Рано ориентирање и животни вештини за сите”, го организираше Tracé Brussel и вклучуваше низа презентации и дебати за политики во кои учествуваа различни засегнати страни од областите на вработување, образование и млади.

На настанот присуствуваа видни личности како Министерот за образование во Брисел- Свен Гатц, и Рафаел Дешка – заменик директор на Гете-Институтот во Брисел. Каролина Кунерт од Федералниот институт за професионално образование и обука (BIBB)од Германија и Дебора Инфанте од Италијанското министерство за образование, исто така говореа на панелот, обезбедувајќи согледби за важноста на раното ориентирање и животните вештини за младите луѓе во денешниот променлив  свет.

Следниот ден, партнерите на StartNet Europe network, вклучувајќи го Шемседин Иљаз од АРНО, се собраа за да разменат идеи и да разговараат за потенцијални нови проекти насочени кон теми како вклучување, оснажување на младите луѓе, и зелени и дигитални вештини. Средбата исто така вклучуваше посета на Cite des Metiers, отворен простор за стручна ориентација и поддршка во професионалниот живот, во срцето на Брисел.

Сабрина Фераз Гуарино, претставничка на Европската комисија, даде своие гледања за Европската година на вештините за 2023 година на состанокот на StartNet. Партнерите заедно осмислуваа нови проектни идеи, кои се надеваат дека во блиска иднина ќе ги развијат и спроведат.

Овие настани претставуваат значаен чекор во обезбедувањето на младите луѓе од Европа со неопходни алатки и ресурси за успешната кариера во иднина. Преку првична ориентација, развој на животни вештини и професионално водење, засегнатите страни работат за да осигураат дека  дека младите луѓе се поспремни за справување со предизвиците на пазарот на труд кој постојано се менува.