Nga mbeturinat e verës (bërsitë) tek aditivet për industrinë ushqimore, metodat bioteknologjike për mjaltin e shëndetshëm dhe mbrojtja e fenomenit të staneve, janë fituesit e konkursit të këtij viti “idetë e gjelbërta” të organizuar nga ARNO

Për fituesit kombëtar, “ARNO” përsëri këtë vit ofroi mbështetje nga partnerët: kuponë me vlerë për shërbime këshillimi nga Shoqata për Menaxhim dhe Konsulencë “MKA2000″. Për vendin e parë ” Aditivi Vajs ” sigurohet një tarifë regjistrimi për pjesëmarrje në një ngjarje ndërkombëtare / trainim ndërkombëtar nga Fondi i Inovacionit  dhe Zhvillimit teknologjik, si dhe për herë të parë këtë vit, edhe  ARNO ndau çmime për fituesit, d.m.th 2 kuponë me vlerë prej 2 000 dollarë amerikanë për dy idetë e para të gjelbërta dhe 1 500 dollarë amerikanë për fituesin në kategorinë e koncepteve të gjelbërta. Surprizë për fituesit këtë vit,  është çmimi nga partnerët e Odës së Tregtisë së Maqedonisë Veri-Perëndimore – anëtarësim falas dy vjeçar në këtë Odë.

Këtë vit, gjithsej 15 koncepte dhe ide të gjelbërta, garuan në finalen në RMV. Përveç ideve fituese, garuan edhe idetë e mëposhtme: Përpunimi i lëvozhgës së vezëve si shtesa ushqimore për përdorim njerëzor, Sistemi Hydroponics, Shërbimi për gjenerimin dhe vlefshmërinë e biletës elektronike , Tharëse diellore për tharjen e frutave organike, Blink Delivery, Makarona rurale, Bank of Trees , Bee varroa killer, Eco studio për masazhe, Smart green eco trap, Prodhimi i varieteteve autoktone të rrushit për verë, me përdorim të  teknologjisë in vitro dhe GREEN VIVO.

Juria që vlerësoi aplikimet e pranuara, ishte e përbërë nga ekspertë të fushave dhe institucioneve të ndryshme: Maja Koistra. nga Banka Europiane për Rindërtim dhe Zhvillim (BERZH), Drilon Iseni, nga Oda Ekonomike e Maqedonisë Veri-Perëndimore, Vllatko Aleksovski , nga Programi i Kombeve të Bashkuara për Zhvillim (UNDP), Robertina Brajanoska, nga Shoqata Ekologjike e Maqedonisë (ShEM), Gabriela Micevska , eksperte për agrobiznes të qëndrueshëm (programi IME-Paladium), Vlatko Danilov, nga Shoqata për Menaxhim dhe Konsulencë MKA2000 dhe Branislav Ficucija Markovski ,nga Fondi për Inovacion dhe Zhvillim Teknologjik (FIZhT).

“Unë jam veçanërisht i nderuar që jam anëtar i jurisë së konkursit për të dytin vit me radhë. Të gjitha idetë janë të mrekullueshme dhe mund të thuhet që të gjithë ata janë kampionët tanë, për arsyen e thjeshtë që sot, kur të gjithë mendojnë se si virusi korona do të dëmtojë jetën ose ekonominë, ata mendojnë se si mund të ecim përpara. Të gjitha idetë e gjelbërta janë fituese dhe konkursi është një platformë që ne si odë e mbështesim “- tha Drillon Iseni nga Oda Ekonomike e Maqedonisë Veri-Perëndimore.

“Për një kohë të gjatë unë kërkoja një mënyrë dhe mbështetje për idenë time, bëhet fjalë për prodhimin e kininës, dmth mbeturinave që krijohen gjatë prodhimit të verës, dhe të cilat, megjithëse shumë të shëndetshme, plot antioksidantë, fibra dhe vitamina, mbeten të papërdorura. Kompania ime ka zhvilluar një model të ekonomisë rrethore dhe ne kemi vendosur të përpunojmë këto mbeturina dhe përmes një procesi inovativ teknologjik, të bëjmë një shtesë shumëfunksionale, e cila do të luajë rolin e antioksidantit, ngjyrosjes natyrale dhe fibrave të përdorura në produktet e industrisë ushqimore. Unë besoj se të gjithë ata që do të bëjnë diçka të ngjashme do të kontribuojnë shumë në planetin tonë dhe do të jemi më të gjelbër. –  tha Sofia Daceva nga “VAJS Group”, fituese në kategorinë e Ideve të gjelbërta.

“Ne jemi një grup bletarësh nga rajoni i Bregallnicës, që punojmë në mënyrë të qëndrueshme në prodhimin e shërbimeve të bletëve. Kjo do të thotë që në prodhimin tonë ne shmangim të gjitha kimikatet që mund të ndikojnë në cilësinë e produkteve të bletëve. Ideja jonë është që të zgjerojmë këtë mënyrë të prodhimit që merret nga bletët në të gjithë rajonin e Bregallnicës dhe më gjerë, në territorin e të gjithë vendit. “-  tha Vanco Kirovski nga” Mjalti i lindjes “, fitues në kategorinë e ideve të gjelbërta.

“Ishte një nder dhe kënaqësi e madhe për mua që idea ime e gjelbër të zgjidhet nga kaq shumë ide dhe është një kënaqësi edhe më e madhe të jem në gjendje ta paraqes atë në një konkurs Ballkanik. Do të doja që të gjithë ta dinin për fenomenin e qethjes, sepse vitet e fundit në vendin tonë, stanet janë harruar dhe madje pothuajse po zhduken.  Me uljen e fondit të blegtorisë, stanet janë kthyer në hapësira të braktisura, të cilat po prishen gjithnjë e më shumë me çdo ditë që kalon. Qëllimi ynë është të promovojmë marrjen dhe ofrimin e staneve si shtëpiza për mysafirë, për qëndrim dhe relaksim. ”- tha Dusica Krsteska, fituese në kategorinë e koncepteve të gjelbërta.