Udhëtimi i pestë “RISE”, filloi!

Më 2 nëntor 2024, në Kotur Café & Film në Shkup, zyrtarisht shënuam fillimin e Udhëtimit të pestë “RISE”.

Ne zhvilluam takimin tonë të parë dhe u njohëm me anëtarët e ekipit që janë pjesë e gjeneratës së pestë të programit RISE.

Ngjarja shënoi pikën fillestare të kapitullit të ri dhe emocionues të pestë të grupeve të rinj të ndërmarrësve socialë, të gatshëm të lënë shenjën e tyre në botën e ndërmarrësisë sociale dhe të gjelbër. Në thirrjen e hapur morëm 33 aplikacione, nga të cilat, për këtë udhëtim të pestë RISE, zgjodhëm tetë grupe me një mision të fuqishëm: Green Graphene (transformimi i mbetjeve të kafes në grafen), Mindful Young Leaders (forcimi i të rinjve përmes lidershipit dhe vetëdijes), Open Atelier (punëtori kreative për të rritur), Horizon (platformë për mësim interaktiv për fëmijë), Inclusive Voices (program radio për tregimin e historive dhe përvojave të personave me aftësi të kufizuara), BIO-RICE+ (produkte të qëndrueshme dhe bio-degradueshme nga orizi), Raat Mesto (eko-turizëm që lidh kulturën dhe natyrën) dhe Ruvo (një mundësi e dytë për copat e veshmbathjeve që mund të shndërrohen në mbetje tekstili).

Përveç njohjes me njëri-tjetrin, mbajtëm edhe trajnimin e parë, ku ekipet u njohën me thelbin e ndërmarrësisë sociale, ndikimin e saj në shoqëri dhe aktivitetet që do të pasojnë gjatë këtij udhëtimi. Secili prej këtyre grupeve është pjesë e komunitetit të madh RISE – rrjeti i ndërmarrësve socialë të angazhuar për të zgjidhur sfidat më të rëndësishme në botë.

Projekti RISE është bashkë-financuar nga Agjencia Franceze për Zhvillim (AFD), Zyra Rajonale për Bashkëpunim Rinor (RYCO) dhe Programi Erasmus+ i Bashkimit Evropian. Projekti RISE udhëhiqet nga një konsorcium i përbërë nga Zyra Rajonale për Bashkëpunim Rinor (RYCO), SOS Pulse Group, Rrjeti i Rinisë së Juglindjes së Europës (SEEYN), dhe Zyra Franco-Gjermane për Rininë (OFAJ), dhe implementohet nga gjashtë inkubatorë lokalë – ARNO (RMV), Fondacioni i Gjelbër i Ballkanit (Kosovë), Nështo më shumë (Bosnjë dhe Hercegovinë), Smart Collective (Serbi), IEC Technopolis (Mal i Zi) dhe Biznesi Social JUNUS (Shqipëri).