Edukim për Qytetarinë Digjitale

Projekti për Edukimin për Qytetarinë Digjitale (DigiCitizenEdu) është një iniciativë e financuar nga Erasmus+, që do të zbatohet nga janari 2026 deri në fund të qershorit 2028 (30 muaj). DigiCitizenEdu synon të avancojë edukimin për qytetarinë digjitale (DCE), duke pajisur edukatorët dhe nxënësit në të gjithë Europën me aftësitë dhe njohuritë e nevojshme për të marrë pjesë në mënyrë aktive dhe të përgjegjshme në shoqërinë e sotme digjitale.

Projekti zbatohet nga një konsorcium prej pesë partnerësh nga e gjithë Europa: All Digital (koordinator; Belgjikë), Universiteti i Hapur Helen (Greqi), Fundación Esplai Ciudadanía Comprometida (ESPLAI; Spanjë), Association for Development of New Options Shkup (ARNO; Maqedonia e Veriut) dhe SOLIDAR+ (Belgjikë).

Projekti i përgjigjet sfidave të transformimit digjital si të drejtat digjitale, mendimi kritik, shkrim-leximi mediatik dhe teknologjitë në zhvillim, duke fuqizuar individët-pavarësisht prejardhjes, moshës apo njohurive paraprake-që të ushtrojnë me besim të drejtat dhe përgjegjësitë e tyre në hapësirën digjitale. Duke u mbështetur në përkushtimin e fortë të partnerëve për mësimin gjatë gjithë jetës, projekti shfrytëzon All Digital Academy (ADA) si platformën kryesore për ofrimin e burimeve arsimore cilësore dhe të qasshme. DigiCitizenEdu promovon kohezionin social, pjesëmarrjen demokratike dhe përfshirjen digjitale, duke integruar mendimin kritik, të drejtat digjitale, shkrim-leximin mediatik dhe metodologjitë e trajnimit të përforcuara me inteligjencë artificiale në arsimin për të rritur.

Aktivitetet kryesore përfshijnë zhvillimin e një programi të specializuar trajnimi për Edukimin për Qytetarinë Digjitale dhe pilotimin e këtij trajnimi me edukatorë në të gjithë Europën.

DigiCitizenEdu synon drejtpërdrejt edukatorët e të rriturve, nxënësit gjatë gjithë jetës, politikëbërësit dhe organizatat e shoqërisë civile, duke nxitur një ekosistem të ndërlidhur për ngritjen e kapaciteteve, dialogun politik dhe fuqizimin digjital. Përmes qasjes së tij inovative me shumë aktorë, projekti lidh arsimin, politikat dhe pjesëmarrjen qytetare, duke kontribuar në një shoqëri europiane më gjithëpërfshirëse dhe më të aftë në aspektin digjital.