Rezultatet e projektit GREASE në të gjithë Maqedoninë

Gjatë muajit të kaluar, ekipi i ARNO-s ka mbajtur një seri prej pesë ngjarjesh në qytete të ndryshme në mbarë vendin, duke prezantuar rezultatet e projektit GREASE. Ngjarjet u realizuan përmes një loje informale bingo, e ndjekur nga një degustim kakaoje afrikane nga “Africa Closer”, me qëllim që temat e ndërmarrësisë sociale, grave rurale dhe fuqizimit të komunitetit të afrohen në një mënyrë të qasshme dhe interaktive.

Ngjarja e parë u mbajt më 28 janar 2026 në fshatin Umin Dol, në Kumanovë, së bashku me fituesen e projektit “Ide të Gjelbërta”, Roze Trajkoviç nga ndërmarrja sociale “Rural Uma Sto”. Në këtë aktivitet morën pjesë kryesisht mësues dhe gra aktiviste që janë të përfshira në mënyrë aktive në zhvillimin e turizmit rural. Mësimi i përbashkët mbi ndërmarrjet sociale dhe rrëfimet personale me temën “Çfarë do të thotë të jesh një grua e guximshme rurale?”, lanë përshtypjen më të fortë të takimit.

Ngjarja e dytë u mbajt më 6 shkurt 2026 te Skautët në Shtip. Një moment i veçantë ishte ligjërata spontane e një profesori të shkencave natyrore- pjesëmarrës në aktivitet – i cili foli për fuqinë e natyrës dhe rëndësinë e eko-agrokulturës. Pjesëmarrësit më të rinj dëgjuan gjithashtu historinë e rrugëtimit të kokrrës së kakaos, të ndarë nga Ivani nga “Africa Closer”, si dhe shembullin frymëzues të Darkos, i cili u vlerësua si një mbrojtës i vërtetë i vlerave skaut dhe aktivist për mbrojtjen e natyrës.

Ngjarja e tretë u mbajt më 6 shkurt 2026, në bashkëorganizim me Menan nga ndërmarrja sociale “Medena Dolnina”, gjithashtu fituese e projektit “Ide të Gjelbërta”, në fshatin Belicë, afër Kërçovës. Pjesëmarrja e madhe, pensionistët kreativë që ndanë poezi të frymëzuara nga natyra dhe jeta rurale, si dhe suksesi i nxënësve të Menës me idenë e vlerësuar “Rrugëtimi i mjaltit”, e bënë këtë aktivitet veçanërisht mbresëlënës. Shëtitja spontane nëpër fshat pas aktivitetit mundësoi një përjetim autentik dhe rrjetëzim më të thellë me komunitetin lokal.

Ngjarja e katërt dhe e fundit e kësaj serie u mbajt në Kriva Pallankë më 27 shkurt 2026, në bashkëpunim me Maria Dudan, pronare e “The Countryside” në Rankovcë. Aktiviteti mblodhi vajza dhe djem të rinj, të cilët përmes formatit ndërveprues patën mundësinë të njihen me konceptin e ndërmarrësisë sociale rurale dhe potencialin e saj për zhvillim lokal. Rrëfimi personal i një pjesëmarrëseje, e cila ndau pasionin e saj për mbrojtjen e kafshëve, si dhe plani për të organizuar një seri ngjarjesh dhe aktivitetesh me qëllim social në lokalitetin Kamenite Kuli, pranë Kokinos, lanë një përshtypje të veçantë. Ky moment konfirmoi edhe një herë rëndësinë e krijimit të një hapësire të sigurt ku të rinjtë mund të ndajnë idetë e tyre dhe të marrin inkurajim për iniciativa me dobi shoqërore.

Me këto organizime, ARNO tregoi edhe një herë se temat e zhvillimit të qëndrueshëm dhe ndërmarrësisë sociale rurale përcillen më fuqishëm përmes takimeve të drejtpërdrejta, ndarjes së përvojave dhe rrëfimeve njerëzore.