Претставени резултатите од проектот „Паркури за иднината“

АРНО успешно го одржа завршниот онлајн настан (multiplier event), на кој повеќе од 70 наставници, наставнички, едукатори и професори имаа можност да се запознаат со финалните проектни резултати од проектот Паркури за иднината. Настанот беше одржан онлајн, а на учесниците им беа претставени материјалите и алатките за целосно користење на оваа иновативна едукативна методологија.

На настанот беа презентирани проектните резултати сработени во првата фаза од проектот:

• Истражувачки труд
• Позадински документи
• Платформа за е-учење
• Главни трендови во Европа
• Презентација 

Како и иновативната методологија „Паркури за иднината“ и проектните резултати развиени во втората фаза од проектот:

📌 Водич за најдобро користење на „Паркури за иднината“
Овозможува преглед на концептот и начините на кои паркурите поврзуваат училница со реални предизвици од пазарот на труд, преку теми како: одржливост, дигитализација, социјална и родова еднаквост.

🔧 Водич за обновување (Rebuild Manual)
Детален технички прирачник за повторно креирање на физичките паркур станици, со точни инструкции, материјали и чекори.

📖 Прирачник за имплементација и едукација
Практичен и концептуален водич за наставници, обучувачи и младински работници. Ги спојува теоријата, методологијата и активностите за применливо современо учење – физички и дигитални Паркур станици.

🏃‍♂️ Паркури (материјали за физичките станици)
Комплет материјали што овозможуваат секое училиште да ги „изгради“ своите физички Паркур станици и да ги активира учениците да скокаат кон својата иднина.

Сите резултати се достапни на македонски и англиски јазик, и може да се преземат на веб страницата на АРНО и на официјалната веб страница на проектот.

Иaкo проектот завршува, нашите паркури не застануваат. Тие имаат доволно енергија и алатки да продолжат да скокаат од едно училиште во друго, од една училница во друга, инспирирајќи ученици да го откријат светот на Паркурите – преку учење што се движи, прашува, истражува и создава.👟

Проектот „Паркури за иднината“ го предводи Life e.V. од Германија, во партнерство со АРНО (Македонија), Agenzia Regionale per il Lavoro (Италија), Scoala de Valori (Романија), Goethe-Institut и GINNlab (Германија и Италија). Целта е преку методологии на ко-дизајн, поправка и креативна едукација да се поттикнат нови професионални патеки за младите.