📢 Отворен повик за онлајн обуки: Дознај сè за ЕСОП моделот!

План за сопственост на вработените – ЕСОП моделот нуди уникатна можност компаниите да ги вклучат своите вработени во сопственичката структура, што води до поголема мотивација, продуктивност и стабилност. Во рамките на проектот SWAYED, организираме бесплатни онлајн обуки кои ќе ти помогнат да научиш сè што треба да знаеш за овој модел и неговата примена во Македонија.

На обуките ќе дознаеш:

– Како ЕСОП моделот функционира во успешни компании низ светот
– Практични чекори за воведување на моделот во твојата компанија
– Предности за вработените и работодавачите
– Примери од Словенија и нивниот пат кон економска демократија.

Зошто да се пријавиш?
👉 Ќе стекнеш практични знаења и алатки за применливи решенија
👉 Ќе добиеш пристап до мрежа на професионалци и експерти
👉 Ќе станеш дел од заедница која се залага за поправедна економија

🗓️ Кога? Од 14 март до 10 април 2025
*Распоред:

🗓️14 Март 2025, 13.00-16.00 – Социјално претприемништво за млади и модели на управување (Предавачи: Ирина Јаневска, Марјан Ицоски и Стефан Ивановски, докторант, Универзитет Корнел, САД)

🗓️20 Март 2025, 17.00-20.00 – Вовед во економската демократија и моделите на сопственост од страна на вработените – историски преглед, главни карактеристики, поддржувачки вредности (д-р Теј Гонза и д-р Дејвид Елерман)

🗓️27 Март 2025, 17.00-20.00 – Сопственоста на вработените како одржливо решение за актуелните социо-економски предизвици на 21 век (Коста Марко Јури и Себастијан Пикл)

🗓️03 Април 2025, 17.00-20.00 – Практична имплементација на ESOP моделот – права и одговорности на сопственоста, системи на одлучување со практичен пример на трансформација на компанија во ESOP (INEA) (Тилен Божич и Саша Мухич Пуребер)

🗓️10 Април 2025, 17.00-20.00 – Култура на сопственост и управување со отворени книги: учење за сопственоста – размислување, разбирање и дејствување како сопственик преку финансиска транспарентност (Сара Луцу и д-р Мина Личен)

Работен јазик: Англиски

*Ве молиме имајте предвид дека распоредот може да подлежи на измени. Регистрираните учесници ќе бидат навремено информирани за сите промени.

🔗 Пријави се тука: https://forms.gle/VZ768eoTSEZypshv6
📅 Краен рок за пријавување: 05 март 2025

Заедно да чекориме кон економска демократија и работни места на иднината!

Проектот „Обликување на иднината на трудот: младинска демократска работна средина за општествени промени“ е имплементиран од Институтот за економска демократија – Словенија (координатор) и Здружението за социјални иновации „АРНО“ – Северна Македонија. Проектот е финансиран од Програмата Еразмус+ на Европската Унија. Преку овој проект се развиваат различни активности и ресурси за промовирање на модели на сопственост на вработените, демократско управување и социјални иновации, овозможувајќи им на младите активно да учествуваат во обликувањето на иднината.