🎂 АРНО полни 12 години — имаме мисија да поправиме сè што може да се поправи 🛠️

🛠️ Полниме 12 години — и имаме мисија да поправиме сè што може да се поправи.  Од расипани блендери до нефункционални системи, веруваме дека сè заслужува втора шанса. ♻️💚

Оваа година го отворивме нашиот Центар за поправки „Ништо ново“ во Скопје —простор каде што алатите се среќаваат со приказни, а отпадот станува можност.

🎁 И како и секој наш роденден, споделуваме бесплатна алатка:

🔧 iFixit – најголемиот прирачник за поправаки во светот
📎 https://www.ifixit.com
Поправи го телефонот, блендерот, фармерките или слушалките. Илјадници упатства. Нула изговори.

Наздравуваме за 12 години правење добри дела.

АРНО е здружение за социјални иновации основано воМакедонија во 2013 година со посебна мисија за развој и имплементација на социјални иновации и промоција на нови опции и современи пристапи за општествени промени. Веднаш по нашиот прв проект бевме препознаени како пионери во полето на социјалното претприемништво, а преку 11-годишното менаџирање на натпреварот „Зелени идеи“ станавме национален ресурс за подигнување на свеста и инспирација во областа на зелено и социјално претприемништво. Веќе 7 години АРНО е еден од локалните инкубатори за социјални претпријатија во регионот на Западен Балкан (WB6), во рамки на регионалниот проект RISE.

АРНО има обучено и едуцирано над 400 зелени и социјални претприемачи, и технички и финансиски го поддржа основањето и развојот на повеќе од 30 зелени социјални бизниси во Северна Македонија со над 150.000 евра.

АРНО има искуство и во едукација на возрасни и стручно образование (VET) во областа на зелено и социјално претприемништво и циркуларна економија, преку имплементација на иновативни програми и образовни концепти во формалното и неформалното образование, алатки и наставни програми за зелено и социјално претприемништво.

💚 Благодарност до сите кои беа — и кои сè уште се — дел од нашата приказна.