Завршна конференција на проектот „Паркури за иднината“

На 30 септември 2025 година, од 17:00 до 18:30 часот (CET), ќе се одржи онлајн финалната конференција на Еразмус+ проектот Паркури за иднината (ПАФФ). Настанот ќе ги обедини партнерите, како и голем број на едукатори и професионалци од Европа во дискусија за тоа како младите можат да се подготват за предизвиците кои ги сервира иднината на пазарот на трудот.

Конференцијата ќе стави акцент на трите главни теми на кои проектот работеше: одржливост, дигитална трансформација и родова еднаквост. Преку разговори и панел-дискусија ќе се отвори прашањето како овие теми ја обликуваат работната средина и кои се новите вештини што младите треба да ги развиваат.

📅 30 септември 2025, 17:00–18:30 CET (онлајн, англиски јазик)

🔗 Пријави се: https://attendee.gotowebinar.com/register/738829380778761053.

Проектот „Паркури за иднината“ го предводи Life e.V. од Германија, во партнерство со ARNO (Северна Македонија), Agenzia Regionale per il Lavoro (Италија), Scoala de Valori (Романија), Goethe-Institut и GINNlab (Германија и Италија). Целта е преку методологии на ко-дизајн, поправка и креативна едукација да се поттикнат нови професионални патеки за младите.