АРНО, во соработка со Europa Cafes, мапира кафулиња со мисија!

Неодамна, АРНО беше контактирано од Europa Cafes – европска платформа посветена на места кои се многу повеќе од „само кафулиња“! Бараме локали во Македонија кои можеме да ги дефинираме како „Purpose Cafés“ (кафулиња со цел/мисија). Овој поим се однесува на места што имаат јасна општествена, културна или граѓанска мисија во основата на своето работење.

Ова не се само места за продажба на кафе (и храна) — туку простори каде што живеат културата и дијалогот. Луѓето доаѓаат не само заради пијалакот, туку и заради настаните, вмрежувањето и дебатите. Честопати, ова се и социјални претпријатија кои го реинвестираат профитот за да ја одржат својата општествена мисија.

За да ја доловиме идејата:

• Виена го има Vollpension (место за сите генерации, со колачи и услуга од пензионери),
• Будимпешта го има Never Give Up кафе (локал со вкусна понуда кој вработува лица со различни способности),
• Тирана го има Destil Creative Hub (културен центар каде се одржуваат настани, перформанси, читачки клубови…)…

Што има Македонија? Дали знаете локал што одговара на овој опис? Помогнете ни да ја ставиме нашата земја на мапата!

Пишете ни на социјалните мрежи* или на arno.mkd@gmail.com најдоцна до 19 јули 2026 година, за да можеме да предложиме македонски локали за европската мапа на Purpose Cafés. Целта е овие места да станат повидливи, подобро поврзани и препознаени како суштински општествени, културни и демократски инфраструктури во Европа.

*До сега ни пишаа за: Kult Kulturen Centar, Илика, Кафе-книжарница „Долапче“, Дуќан, Shilla – coffee & bar, Tarantino Pub, Комбо Комбо, Srekja Bar Food, Dnevna Event, Oud Coffee Co., Public Room, Shuma Concept Cafe, Metanoja Cafe Gallery, Pogon Bar, Kombo Creative Studio и Kafe Breza… Ама можеби има и други 🙂