“Договор за почвата за Европа” – настан во Скопје

На 13ти јуни 2024 година, во Europe House Skopje, во рамки на проектот NATI00NS, се одржа настанот за Европската мисија за заштита на почвите и можностите за финансирање на проекти од оваа област, кој беше во организација на здружението Yes for less во соработка со Земјоделскиот институт – Скопје и Институтот Biosense – Србија.

Во воведниот дел од настанот Ирина го презентираше натпреварот Зелени идеи и користејќи ја метафората на јаболкото со планетата земја и обработлива површина (мини-квиз), таа посочи на малото делче обработлива почва кое останува, а е многу мало за прехранување на 9 милијарди луѓе, и затоа треба да сме сме свесни и претпазливи во управувањето со почвите.

На панел дискусијата насловена „Одржливи наспроти конвенционални земјоделски практики кај нас: можности, препреки и како тие влијаат врз здравјето на почвата“, учествуваа претставници од Земјоделски институт како експерти од областа на земјоделството,  двајца производители и поборници за одржливо земјоделство, како и Ирина Јаневска од АРНО, поддржувачи на зелено социјално претприемништво и минатогодишни организатори на настанот. Во панел дискусијата Ирина сподели локални и меѓународни примери на агротуризам (берење јагоди во Виена, бавен туризам во Албанија (Мризи и Занаве), урбани градини во напуштени фабрики, аеропонски систем на одгледување на билки (заштита на почва), и други зелени бизниси кои се грижат за здравјето на почвата, а носат профит.

Европската Унија во 2021 год. ја започна амбициозната мисија „Договор за почвата за Европа“ која има за цел до 2030 год. да создаде 100 регионални т.н. Живи лаборатории и светилници (Living labs and Lighthouses), кои ќе служат како центри за ширење на знаење и иновации, заеднички креирајќи и тестирајќи практики и решенија за подобрување на здравјето на почвата. Проектот NATI00NS има за цел да помогне во спроведувањето на гореспоменатата мисија, пренесувајќи клучни пораки за подигнување на свеста, како и да ги подготви регионалните и националните чинители од Европа да аплицираат и ги имплементираат своите идеи за подобрување на здравјето на почвата.

Во Македонија, АРНО го организираше настанот за прв пат минатата година. Повеќе информации за минатиот настан можете да најдете овде.