Италијанскиот екосистем за социјална економија – АРНО беше во Монца

Од 12 до 18 септември 2022, АРНО беше дел од студиската посета во Монца, Италија, заедно со партнерите на проектот Младински сојуз за социјална економија на Западниот Балкан (Western Balkans Youth Social Economy Alliance): ADP-Zid (Црна Гора), DIESIS Network (Белгија), Youth Ambassadors (Србија), LENS (Косово), Partners Albania for Change and Development (Албанија) и CDP Globus (Босна и Херцеговина). Тимот беше срдечно примен од италијанскиот партнер на проектот Cooperazione per lo Sviluppo (COSV), и од Consorzio Nazionale (CGM) и Consorzio Comunità Brianza (CCB), како и други важни чинители во социјалната економија во Италија.

• Студиската посета беше возбудливо патешествие во италијанскиот екосистем за социјална економија како еден од најразвиените во Европа. Партнерите на проектот учествуваа во интерактивни работилници водени од домаќините Cooperazione per lo Sviluppo (COSV), Consorzio Nazionale (CGM) и Consorzio Comunità Brianza (CCB) кои обработуваа теми како европски политики за социјална економија, ко-креација и ко-дизајн на јавни политики, методологија на отворени иновации, градење партнерства и младински политики. Тимот исто така посети неколку социјални задруги, социјални претпријатија и мрежи за истражување и иновации во социјалната економија во регионот на Монца и Брианца. Овие активности пружија непосредно и темелно знаење за историјата, предизвиците и потенцијалот на третиот сектор во Италија и неговата улога како еден од столбовите на социо-економскиот систем на државата. Во продолжение неколку интересни моменти и искуства:
• “Студиската посета во Италија е важна и поразлична за нас бидејќи имавме можност да научиме повеќе за екосистемот на социјална економија во Италија, (на пример правната рамка, вмрежувањето, јавно-приватните партнерства, младинските политики и др.) како и да посетиме осум социјални задруги како примери на добри практики. Многу од овие искуства може да воведеме во Србија и да застапуваме нивна примена. Исто така, воспоставивме добри контакти со овие задруги кои може да прераснат во заеднички проекти и соработка во иднина.” – изјави Александар Стаменковиќ, проектен менаџер во Youth Ambassadors од Србија
• На 13 септември, партнерите ја посетија Cascina Costa Alta и META Cooperativa Sociale која работи од 1991 година и менаџира неколку летни центри за обука, програми за едукација за животната средина, и нуди едукативни услуги за деца, училишта, мигранти, организира настани и обезбедува престој и рекреативни активности.
• Следниот ден, тимот го посети Milan Innovation District, најкреативното и најиновативното место во Италија каде што беа примени од Fondazione Triulza, фондација за квалитет на живот и добросостојба на граѓаните, и Stripes, компанија која нуди услуги во социјалното, образовното и педагошкото поле, и која работи во јавниот и приватниот сектор. Благодарение на дигиталната лабараторија на Stripes, партнерите беа дел од работилница за роботика, и имаа прилика да бидат дел од процесот на искуствено учење со роботите на Stripes.
• На 15 септември, партнерите се упатија кон Villa Longoni, место за социјален тренинг, развој на заедницата и co-working простор за професионалци од креативните и уметничко-занаетчиските професии. Тука, се посети социјалната задруга In-Presa која се бави со стручни обуки, вработување, советување, школска поддршка и социјализација на ранливи категории млади луѓе.
• На последниот ден, тимот беше пречекан од мрежата TikiTaka во Spazio Rosmini, основана во рамките на Cariolo Фондацијата со цел инклузија на ранливи и маргинализирани категории граѓани низ спорт и социјални активности.
• “Навистина интересно и инспиративно искуство за мене. Беше корисно да се посетат сите овие задруги, социјални претпријатија и мрежи кои со декади успешно работат во полето на социјалната економија и помагаат на луѓе кои имаат потреба од помош. Со задоволство ќе ги пренесам моите знаења и искуства на своите колеги и колешки и ќе се обидам да воведам некои од италијанските примери во мојата држава” – изјави Марјан Ицоски, програмски менаџер во АРНО

Проектот Младински сојуз за социјална економија на Западниот Балкан (Western Balkans Youth Social Economy Alliance) е дел од пошироката стратегија за поддршка за создавање на Младински сојуз за социјална економија на Западниот Балкан. Проектот е регионална мрежа посветена на градење на капацитетите на граѓанските организации за промоција, застапување и искористување на социјалната економија како еден од најефективните инструменти за вклучување, охрабрување и создавање можности за младите од Западниот Балкан. Проектот е предводен од ADP-Zid од Црна Гора, во соработка со Diesis Network (Белгија), Mladi Ambasadori (Србија), LENS (Kосово), Partners Albania for Change and Development (Албанија), Cooperazione per lo Sviluppo (Италија), ARNO (Македонија)  и CDP Globus (Босна и Херцеговина). Проектот е финансиран од Еразмус + програмата.