Обликување на иднината на работата: младинска демократија на работните места за социјални промени

Проектот цели да претстави нови модели на управување на претпријатијата на 21 век, со фокус на ИТ и социјалните претпријатија и младинските организации, со цел создавање инклузивни и пријателски работни средини за младите. Проектот ќе се обиде да го зголеми демократското учество на младите во управувањето со претпријатијата во Словенија и С. Македонија и да пренесе знаење во македонскиот екосистем за новите модели на социјална економија како што е Планот за сопственост на вработените (EU ESOP). EU ESOP е модел кој им дава удел на (младите) работниците во сопственоста и моќта на одлучување во претпријатието, што води до поеднакви, праведни и поодржливи претпријатија. Проектот исто така има за цел да ги поврзе Словенија и С. Македонија и да овозможи размена на знаење, алатки и методологии за зајакнување на граѓанското општество и социјална економија во двете земји.

Цели:

• Анализа на моделите на демократско управување во ИТ и социјалните претпријатија во Словенија и С.Македонија
• Претставување на EU ESOP како модел за партиципативно управување, социјална правда и одржливост, и креирање на препораки за јавни политики во Северна Македонија и Словенија
• Изградба на капацитетите на млади претприемачи, студенти и креатори на политики за модели на управување и EU ESOP преку обуки и успешни приказни.
• Подигнување на свеста за демократско управување и младински модели за социјална инклузија и економски раст
• Вклучување на младите во донесувањето одлуки и промоција на демократска култура во претприемништвото за решавање на социјалните проблеми

Од проектот издвојуваме: Истражување и мапирање на младинските на моделите на управување во ИТ и социјалните претпријатија; препораки за јавни политики за EU ESOP во Северна Македонија и Словенија; Студиска посета во Словенија; Онлајн програма за градење капацитети за ИТ и социјални претпријатија и младински организации и млади; Форум за млади за EU ESOP и академски предавања.