Вклучување на мажите и момчињата за родова еднаквост

Во септември 2017-та година во Скопје се одржа првиот саем за мажи насловен како „И мажите можат“. Во рамки на саемот се одржаа три работилници насловени како „Мажите пеглаат“, „Мажите готват“ и  „Креативни игри за деца“ во кој учество земаа мажи и момчиња  од С. Македонија.  Овој настан се спровде во рамки на националната кампања „И мажите можат“ која имаше за цел да го промовира вклучувањето на мажите и момчињата за родова еднаквост. Кампањата се фокусираше на промовирање на позитивните примери на татковство грижа во домот во секојдневниот живот во семејствата, и истата беше проследена со голем интерес од страна медиумите и јавноста.

Кампањата се одвиваше во рамки на проектот „Вклучување на мажите и момчињата за родова еднаквост“ кој го имплементираше здружението за социјални иновации „АРНО“ во партнерство со Y-PEER Македонија со поддршка на Регионалната канцеларија на УНФПА за Источна Европа и Централна Азија.  Организации кои го поддржаа проектот во С. Македонија се: Здружение Родова Перспектива, Здружение за еднакви можности „СЕМПЕР“– Битола , ЖЕНСКИ ФОРУМ –ТЕТОВО, Женска Граѓанска Иницијатива АНТИКО, ЕХО Едукативно-хуманитарна организација, Tiiiit !Inc и Организација жени на град Скопје и Националната мрежа против насилство врз жените и семејното насилство.

Од проектот издвојуваме: Кампањата беше поддржана од Џорџ Георгиевски, познатиот татко од Австралија со македонско потекло, кој стана светски хит на социјалните мрежи со подготвувањето на оброци за во училиште за своите ќерки.